ផ្តើមចេញពីវេលាដ៏សែនក្អកក្តៅបំផុត រវាងថៅកែនិងកូនចៅ លោក ឈឹម ឡា ធ្វើការក្នុងរោងចក្រវាយនភណ្ឌមួយកន្លែង ជាមួយការខិតខំស្រវាស្រទេញប្រកបដោយភក្តីភាពចំពោះការងារ បានធ្វើឲ្យលោកថៅកែស្ងើចសរសើរអំពីមនសិការនេះ ជាថ្នូរនឹងការលើកទឹកចិត្ត នៅឆ្នាំ២០០០លោកថៅកែផ្តួចផ្តើមការលក់រថយន្ត Hyundai មួយគ្រឿងដែលកំពុងដំណើរការនៅក្នុងរោងចក្រក្នុងតម្លៃទាបបំផុតនិងថែមទាំងផ្តល់ជូនឱកាសដ៏កម្រមួយទៀត លោកថៅកែជួលត្រឡប់ឡានដឹកទំនិញពីលោក ឈឹមឡាវិញជាមួយនឹងប្រាក់ឈ្នួលប្រចាំខែ ដើម្បីជាឪកាសឲ្យលោកអាចបង្កើតច្រកចំណូលបន្ថែម ដែលត្រង់នេះហើយជាចំណុចចាប់ផ្តើមឡើងនូវអាជីវកម្មជួលយានយន្តរបស់ ពាណិជ្ជនាមឈឹមឡាពីពេលនោះរហូតមកដល់បច្ចុប្បន្ន។ អំឡុងពេលនោះក្នុងវិស័យផលិតកម្ម  មានតម្រូវការរថយន្តដឹកទំនិញ កើនឡើងយ៉ាងខ្លាំង លោក ឈឹម ឡា បានពង្រីកវិសាលភាពអាជីវកម្ម ពីមួយថ្ងៃទៅមួយថ្ងៃ រហូតធ្វើពិពិធកម្មលើយានយន្តគ្រប់ប្រភេទយ៉ាងសម្បូរបែប លើសពីឡានដឹកទំនិញ រហូតដល់សព្វថ្ងៃនេះ។ សព្វថ្ងៃនេះមរតកអាជីវកម្មនេះបានបន្តដល់ទាយាទជំនាន់ទី 2 ដែលជាកូនប្រុសរបស់គាត់ផ្ទាល់របស់គឺលោក ឈឹម ស្រេងអាន។